Managerlöhne
Es spielen:
H: Headhunter Frau Chopfjäger M: Manager Herr Mort, S: Sekretärin,
V: Verwaltungsrat, Ab: Aktionär eins, Av: Aktionär Zwei, Maler
1. Szene Headhunter, Manager
H: Gute Tag Herr Morti. Ich han vo dä Swisshair äs sehr
interessants Agebot für Sie. D’Swisshair isch än bis jetzt mittelgrosse
Beauty-Konzern, wo ir dä letschte Zit expandiert isch i dem sie schlächt
laufendi usländischi Beauty-Firmene zu n‘äm überhöte Pris
überno hät.
M: Ja Frau Chopfjäger, muess mä dänn defo viel versta? Oder muess ich nume manage?
H: Nä nei!!! Wie chömed Sie au dadruf?!? Vom Unternähme müend sie sicher nüt versta!
M: Mini vier Millione Abfindig vom letschte Jahr sind langsam ufbrucht. Wieviel würdi dänn so öppe verdiene? Unter zwei Millione chum ich sicher nöd!
H: Für so näs grosses Risiko, wo sie übernämed, liget 2 Millione scho din
M: Ja dänn gäbed sie mir mal dä Vertrag. Dass schaff ich sicher mit lings!
2. Szene Manager, Sekretärin
S: Grüzi Herr Morti!!! Mir sind ja soooo froh, dass sie sich
oisere Firma agno händ!! Mir sind jetzt all wieder voller Zuversicht! Oisi
ganze Hoffnige beruhet uf ihrem Chöne und Ihrem Wüsse!! Ja Sie wüssed
ja sicher, dass oises Hauptproblem s’noie Haarpflegeset mit integiertem Turmalin-Arsenchies-Glanzcondittionerhairpufer
isch. D’Prise vo einige Zusatzstoff, wie z.B. s’Arsenchies, sind bis in Himmel
gstige. Des witere söll d‘Verbindig vom Turmalin-Arsenchies lut einige
Fachzitschrifte zu veränderig i dä Haarstruktur füere.
M: Aha, ja aha. Ja das isch natürli klar. Aber was machet denn scho ä Veränderig i dä Haarstruktur.
S: Im Detail wäri dass Haarusfall, Veränderig vo dä Haarfarb, normalerwies i Richtig blau. Aber oisi Wüsseschaftler meinde, dass sie s’Problem mit äm integiertem Turmalin-Arsenchies-Glanzcondittionerhairpufer löse, wänns ä halbi Million me im Budget hette.
M: Was soviel! Ja zum das ispare, müemer äspaar Lüt entlah. Ich dänke so 500 Arbetsplätz i dä Schwiz und tusig im Usland wäri für dä Afang ä gueti Zahl. Dämit dä Verwaltigsrat nüt z’mäkere beatraget mir für ihn no 10% Ghaltsufstockig.
S: Aber dänn hämmer doch viel z’wenig Lüt für d’Produktion!!
M: Paperlapap. Ich manage, dass scho so, dass das keis Problem wird!
3. Szene Verwaltungsrat, Manager
M: Grüezi mini Herre Verwaltigsröt. Nach nem Monet als
CEO i däre Fima gsehn ich jetzt langsam dur, was mir eigetli so herstelle.
Aber das het natürli nie mini Fähigkeite als Manager behinderet. Än
so hochqualifizierte Manager wie ich, muess es Unternähme nöd känn,
um’s guet z’leite z’chöne. Aber es wäri doch no ganz nett, wänn
sie mich über dä Stand vo dä Firma ufkläre würded.
V: Ja bis jetzt händ sie än ganz guete Idruck uf ois gmacht. Die Idee, dass oisi Ghälter um 10%erhöt werde, hämmer ois z’Herze gno und sind ere gern nache cho. Aber mir händ trotzdem chlineri Problem. Sie wüsset ja sicher bald hämmer d’Aktionärsversammlig und mir würded ungern uf das iträgliche Amt verzichte. Aber d’Lüt fröget sich, warum mir 1500 Persone entla händ und das oise Hauptabnämmer d‘Verträg wägem Integiertem-Turmalin-Arsenchies-Glanzcondittionerhairpufer-Problem chünde wänd, isch au nöd grad fördelich.
M: Ja überlönd sie das nur mir. Als erfahrene Manager weiss ich wie mä d’Aktionär um dä Finger wiklet. Mir lueget, dass Verträg mindeschtens bis zur Aktionärsversammlig hebte und die 1500 dümmer mit Restrukturierige erchläre. Das het bis jetzt no immer klappt.
V: Ja das machet sie scho guet. Mir vertrauet fescht uf sie. Oisi Firma liegt i ihrne Händ.
4. Szene Verwaltungsrat, Manager, Aktionärsversammlung
M: Sehr Aktionärinne und Aktionär. Ich möchte Sie
zur 48igste Aktionärsversmmlig vo dä Swisshair begrüesse. Mir
dörfed uf äs üsserschts erfolgrichs Jahr zurgg Blicke. Mir händ
expandiert und mit mir isch jetzt au no än erfarne Manager als CEO a dä
Spitze vom Unternähme. Für ällfälligi Frage stönd mir
ihne offe Red und Antwort.
Ab: Wie mä ja i Fachzitschrifte hät chöne nacheläse und ich am eigene Lieb han erfahre müesse, gits ja es Problem mit äm integierte Turmalin-Arsenchies-Glanzcondittionerhairpufer i oisem noischt Haarpflegeset. Sie gsend ja sälber, dass d’Fachzitschrifte nöd übertribe händ. Min Ma het nämli no än totale Haarusfall becho. Was unternämed sie dägäge?
V: Wie ois dä Herr Morti bestädigt hät, isch das
Problem izwüschet Zit scho faschbelanglos chli. Es isch sowieso nur jede
Millionschti vo oise Chunde betroffe. Sie händ jetzt halt eifach päch
ga. Und i zwüsche Zit isch bi dä zweite Generation das Problem behobe.
Sammelchlagene sind nöd zerwarte, will mir gar nöd uf dä US-amerikanischi
Markt zuegla worde sind.
Av: Ich hans Grücht verno, dass dä Hauptabnämmer vo dä
Produkt vo Swisshair chöntiän Rückzier mach und dä Vertag
chünde. Isch da öppis dra und wänn ja was wird dägäge
unterno?
M: Wo dänket sie denn au hi. Mir sind im beschte Ivernä mit oise Abnämmer.
Denn au die sind mit oise Produkt hochgradig zfriede. Aber haltetmir ois nöd
länger mit so Lapalie uf und bestätige doch jetzt dä Verwaltigsrat,
wo sini Lohnerhöhig würkli verdient het.
5. Szene Verwaltungsrat, Manager
V: Mir wettet Sie ja nöd kritisiere, aber mir würded ois
froie, wänn sie sich nach enere andre Beschäftigung würded umeluege.
M: Ja wärum denn es gfallt mer eigentli no ganz guet. Ich dänke min noie Managementstil treit scho die erschte Frücht. Nach es paar witere Restruckturierige wird das no äs florierend Unternäme.
V: Sie hetet viellicht nöd grad die ganz Forschigsabteilig entla sölle, will’s nach zwei Mönet s’Integierte-Turmalin-Arsenchies-Glanzcondittionerhairpufer-Problem noig glöst händ. Jetzt hämmer eifach niemer me, wo‘s jemals löse chönt. Und dass sie d‘Entlassige ohni Sozialplan abgwicklet händ. Hät ois än Boykott, Streiks und ä Grossdemo ibrockt. Würded sie ois viellcht für 4 Millione verla. Ich glaub, dass so höch isch ihri letschti abfindig gsi isch.
M: Ja eingenti gfallt s’mir ja würkli gaz guet und ich han ja no än foif Jahresvertrag. Und wänn sie mich jetzt entlöhnt, dänn het das für mich schwerwiegendi Konsequenze. Ich wird uf Jahre kei noi Astellig finde!
V: Wie wärs mit 5 Millione?
M: Also, dass isch jetzt also unter jeder...
V: Sächs? Nei wie wärs mit Siebe?
M: Naja au wenn’s mer schwer fallt wir ich das akzeptiere. Aber sie werded nieme än so guete CEO ha.
6. Szene Headhunter, Manager
H: Gute Tag Herr Morti. Ich han vo näre schwizerische Flugsellschaft,
wo grad ihres Grounding hinter sich het, äs sehr interessants Agebot für
Sie. D’Populairair isch än bis jetzt mittelgrosse Flug-Konzern, wo ir dä
letschte Zit expandiert isch i dem sie schlächt laufendi usländischi
Fluggselschafte zu n‘äm überhöte Pris überno hät.
M: Ja Herr Chopfjäger, muess mä dänn defo viel versta? Oder muess ich nume manage?
H: Nä nei!!! Wie chömed Sie au dadruf?!? Vom Unternähme müend sie sicher nüt versta!
M: Mini siebe Millione Abfindig isch au nüme das was sie mal gsi isch. Wieviel würdi dänn so öppe verdiene? Unter zweiehalb Millione chum ich sicher nöd!
H: Für so näs grosses Risiko, wo sie übernämed, liget 2,5 Millione scho din.
M: Ja dänn gäbed sie mir mal dä Vertrag. Dass schaff ich sicher mit lings!
7. Szene Maler
Unsere Crew:
v.l: Rosmarie Joss, Anna Gamma, Andreas Burger, Christian Joss, Daniel Deon und